الأربعاء، 29 يونيو، 2016

كلمات شيلة هزني بالحشا كاملة مع الفيديو كليب #شيله_هزني_بالحشا

كلمات شيلة هزني بالحشا كاملة مع فيديو كليب الشيلة
كليب وافي العهد (شيلة هزني بالحشا )
شاهد شيلة هزني بالحشا

https://www.youtube.com/watch?v=fQYGDL4x85g
أداء المنشد / دايم العز - خالد عبدالعزيز
كلمات الشاعر/ علي الحزمي
الحان / علي عبدالستار - تراث
توزيع / محمد فؤاد



كلمات / القصيدة


وافي العهد - شيلة هزني بالحشا

هَزِّني بالحشى خافقي واستقر**وَسْط روض ٍلها كلِّ سحر ٍبديع
ما مِثِلـْها على دنيتي أي بَرْ *** ريفها والحَضَرْ تهتوي تــْـرابها
_ _ _
للفلا يا مَلا لا ولا بَهْ مفر***زاد شوقي لها شوق طفل ٍ رضيع
كلـِّما حدِّني صوبها واستـَـعَرْ***طاف طيف المحبَّه وأطيابها
_ _ _
دوحةٍ زانها ربـَّـنا للبشر ***كانها في الشِّـتاء كنــَّها في الربيع
مِنْ حلاها لنا يا حلاة النظر***جيتها قاصد ٍ بالهنا بابــها
_ _ _
هاوي مِقناص انا مِنْ زمان الصِّغَرْ***وافي ٍ بالعَهَدْ أحْفظه ما أبيع
دوم أرسم عليها معاني الصِّوَر*** كلِّ شِيهانةٍ حِزِتْ إعجابها
_ _ _
جيت أصِيْدَ الظـِّبـَى وارتجي هَالحَوَرْ*صادني بالعنا وانا قلبي وديع
قلت يَهْلَ الوفا وش يصيد الصَّـقــَرْ**غيرها لاجَمَـعـنا بـها اسبابها
_ _ _
لابغيت احتري وَعْدَها المنتظر***وش يداري خفوق ٍ عليها يضيع
دلــَّـةٍ بالنـَّـقا وشِبْ نارَ السَّـحَر *** خيمتي راحتي فوق محرابها
_ _ _
مِنْ علوم الرّجال اسمَعْ احلى خبر**بين ربْع ٍ لهم هالمكان الرفيع
نرسم ازكى بيوت الجزايل دُرَر ***والمعاني تراها على اجنابها
_ _ _
إنْ تطول الدّروب صِرِتْ هاوي سَفر*والله ماهمِّني كلِّ رَحْبٍ وسيع
والليالي الطـِّوَال طاب فيها السَّهَرْ*والمحبْ ياعرب صار أدرى بها
_ _ _
ياسلامي لها عَدْ قـَطـْرَالمطر**وْكِلِّ وَصْف حَوى زينها في الجميع
دونها ديرتي والله ما لي وَطر*** ما مِثِلـْها أبَدْ تـَجـْمَعْ احبابها

للمزيد من الاعمال الانشادية المتميزة وجديد شيلات الزواج وغيرها زوروا قناتي/
https://www.youtube.com/user/ali712106790
اخوكم / علي الحزمي